ملالہ کے شوہر کا کس شعبے سے تعلق ہے؟
نوبیل انعام یافتہ پاکستانی ملالہ یوسف زئی نے عصر ملک سے نکاح کرلیا ہے۔
ملالہ یوسف زئی نے اپنے اور عصر ملک کے نکاح کا اعلان سماجی رابطے کی ویب سائٹ ٹوئٹر پر کیا ہے۔
انہوں نے نکاح کے موقع پر اپنی، اپنے شریک حیات عصر ملک اور اپنے اہلخانہ کی تصاویر بھی شیئر کیں۔
ملالہ یوسف زئی کے شریک حیات عصر ملک کیا کرتے ہیں؟ اور اُن کا تعلق کس شعبہ ہائے زندگی سے ہے؟
عصر ملک کا تعلق شعبہ کرکٹ سے ہے، وہ پاکستان کرکٹ بورڈ (پی سی بی) کے ہائی پرفارمنس سینٹر میں جنرل منیجر ہیں۔
پی سی بی ذرائع کے مطابق عصر ملک نے 2 سال قبل پاکستان کرکٹ بورڈ کو جوائن کیا تھا۔
پی سی بی ذرائع عصر ملک لمس کے گریجویٹ ہیں اور ان کا شمار پی سی بی کے قابل افسران میں ہوتا ہے۔
عصرملک پی ایس ایل فرنچائز ملتان سلطانز میں بھی جنرل منیجر آپریشنز رہ چکے ہیں۔
بشکریہ جنگ
Comments are closed.