انگلینڈ کرکٹ چیف کی لاہور آمد

انگلینڈ کرکٹ بورڈ کے چیف ایگزیکٹو ٹام ہیری سن لاہور پہنچ گئے، وہ آج دوپہر چیئرمین پی سی بی رمیز راجہ سے ملاقات کریں گے۔

سربراہ انگلینڈ کرکٹ بورڈ پی سی بی کے ساتھ تعلقات استوار کرنے کیلئے پاکستان آئے ہیں، مختصر دورے میں ای سی بی سربراہ انگلینڈ کے 2022ء میں دورۂ پاکستان پر بات چیت کریں گے۔

آسٹریلیا کرکٹ ٹیم کے دورۂ پاکستان کا شیڈول جاری کردیا گیا، ٹیم آئندہ سال مارچ اپریل میں پاکستان کا دورہ کرے گی۔

سربراہ انگلینڈ کرکٹ بورڈ ٹام ہیریسن آئندہ برس کے مکمل دورے کی یقین دہانی کرائیں گے۔

دورۂ پاکستان کے بعد سربراہ انگلینڈ کرکٹ بورڈ ٹام ہیریسن نے آئی سی سی میٹنگز کے لئے دبئی جانا ہے۔

پی سی بی چیئرمین رمیز راجہ کا کہنا ہے کہ وہ آسٹریلیا کو خوش آمدید کہنے پر مسرور ہیں، انہیں تین ٹیسٹ میچز کی سیریز کے انعقاد پر ذاتی طور پر بہت خوشی ہے، چیف ایگزیکٹو کرکٹ آسٹریلیانک ہوکلے نے بھی دورۂ پاکستان کی تصدیق کی ہے۔

آسٹریلوی ہائی کمشنر ڈاکٹر جیفری شا کا کہنا ہے کہ پاکستان اور آسٹریلیا کے درمیان سیمی فائنل دلچسپ ہو گا، اگلے سال آسٹریلوی ٹیم کے پاکستان آنے کی خبر اچھی ہے، دونوں ملکوں میں کرکٹ کا بہت شوق پایا جاتا ہے۔

واضح رہے کہ ستمبرمیں انگلینڈ کے دورۂ پاکستان منسوخ ہونے پر پاکستان اور انگلش کرکٹ بورڈز کے تعلقات کشیدہ ہوگئے تھے، جس کے بعد سربراہ انگلینڈ کرکٹ بورڈ ٹام ہیریسن تعلقات میں کشیدگی کم کرنے کیلئے پاکستان آئے ہیں۔

بشکریہ جنگ