سردیوں میں گیس قلت پر قابو پانے کیلئے ہر ممکن اقدام کررہے ہیں، حماد اظہر

وفاقی وزیر توانائی حماد اظہر نے کہا ہے کہ سردیوں میں گیس کی قلت پر قابو پانے کے لئے ہر ممکن اقدامات کئے جا رہے ہیں۔

جیو نیوز سے گفتگو میں حماد اظہر نے کہا کہ نومبر کے لئے 10 ایل این جی کارگوز کے انتظامات مکمل ہیں گیارہویں کیلئے بھی کوششیں جاری ہیں۔

انہوں نے کہا کہ نومبر کے لئے 2 عالمی کمپنیوں کی جانب سے 2 ایل این جی کارگوز کی سپلائی منسوخ ہونے کے بعد ایک ایل این جی کارگو کا انتظام کر لیا گیا ہے جبکہ دوسرے کے لئے بھی کوشش جاری ہے۔

پٹرولیم مصنوعات کی قیمتوں میں مسلسل اضافے کے نتیجے میں پاکستان ریلوے کے ساتھ ساتھ ٹرانسپورٹرزنے بھی مسافر اور مال بردار گاڑیوں کے کرایوں میں 30فیصد تک اضافہ کردیا،جس سے شہریوں کو شدید مشکلات کا سامنا ہے۔

وفاقی وزیر توانائی نے مزید کہا کہ نومبر کے لئے اب مجموعی طور پر 10 ایل این جی کارگوز دستیاب ہیں ایک اور ایل این جی کیلئے کوششیں جاری ہیں۔

حماد اظہر نے بتایا کہ سردیوں میں توانائی کی بہتر فراہمی کیلئے اضافی بجلی کے استعمال پر بجلی کے نرخ بھی کم کر دیے گئے ہیں۔

پاکستان اور روس کے درمیان پاک اسٹریم گیس پائپ لائن منصوبے میں پیشرفت سامنے آئی ہے۔

انہوں نے کہاکہ سردیوں میں گھریلو صارفین گیس فراہمی میں پہلی ترجیح ہوں گے۔

بشکریہ جنگ