گجرات کی سیشن کورٹ کے باہر فائرنگ، 22 سالہ لڑکی جاں بحق

گجرات میں سیشن کورٹ کے باہر فائرنگ کے واقعے میں 22 سالہ لڑکی جاں بحق ہوگئی۔

پولیس کے مطابق لڑکی نے عدنان نامی نوجوان سے پسند کی شادی کی تھی اور وہ بیان دینے عدالت آئی تھی۔

پولیس کے مطابق لڑکی کے ورثاء نے عدنان اور اس کے بھائی رضوان پر اغوا کا مقدمہ درج کرایا تھا۔

پولیس کے مطابق اغوا کے مقدمے میں 22 سالہ مقتولہ کا دیور رضوان گرفتار ہے۔

پولیس کے مطابق لڑکی کی لاش پوسٹ مارٹم کے لیے اسپتال منتقل کی گئی ہے جبکہ واقعے کی مزید تحقیقات جاری ہیں۔

بشکریہ جنگ