بھارت کی ٹاس جیت کر اسکاٹ لینڈ کو بیٹنگ کی دعوت

ٹی 20 ورلڈ کپ کے گروپ 2 کے آج کے دوسرے میچ میں بھارت نے اسکاٹ لینڈ کے خلاف ٹاس جیت کر فیلڈنگ کا فیصلہ کیا ہے۔

دبئی میں کھیلے جارہے اہم میچ میں بھارت کی فتح اس کی ایونٹ میں آگے بڑھنے کی امیدیں روشن رکھے گی۔

اسکاٹ لینڈ کا بھی ایونٹ میں چوتھا میچ ہے تاہم اسے 3 میں شکست کا سامنا کرنا پڑا ہے اور یہ ٹیم سیمی فائنلسٹ کی دوڑ سے باہر ہے۔

بھارت کا میگا ایونٹ میں یہ چوتھا میچ ہے، اسے پاکستان اور نیوزی لینڈ کے ہاتھوں شکست ہوئی ہے جبکہ افغانستان کے خلاف میچ بھارتی ٹیم کے نام رہا۔

بھارت اسکاٹ لینڈ کے بعد نمیبیا سے پیر کو اپنا اگلا میچ کھیلے گا، اس کی پوری کوشش ہوگی کہ دونوں ٹیموں کے خلاف اپنا رن ریٹ بہتر بنائے۔

بھارت کی ایونٹ کے فائنل فور میں شمولیت کی امیدیں نیوزی لینڈ اور افغانستان کے میچ سے جڑی ہیں، نیوزی لینڈ کی فتح کے ساتھ اس کا ٹی 20 ورلڈ کپ سے پتہ کٹ جائے گا۔

بشکریہ جنگ