کالعدم تنظیم کے تشدد کا شکار ایک اور زخمی اہلکار جاں بحق

صوبہ پنجاب میں کالعدم تنظیم کے کارکنوں کے ہاتھوں زخمی ہوا ایک اور پولیس اہلکار دوران علاج دم توڑ گیا۔

پنجاب پولیس کے مطابق کالعدم تنظیم کے کارکنوں کے تشدد سے زخمی اہلکار ابوبکر کو جنرل اسپتال لایا گیا تھا۔

پولیس کا کہنا ہے کہ مشتعل افراد نے سادھوکی میں اہلکار ابوبکر کو شدید تشدد کا نشانہ بنایا تھا۔

سینیٹر مصطفیٰ نواز کھوکھر کا کہنا ہے کہ صرف کل کے دن فوج کے 2، پولیس کے 4 جوان خیبر پختونخواہ میں ٹی ٹی پی جبکہ 4 جوان پنجاب میں ٹی ایل پی کے ہاتھوں شہید ہوئے ہیں۔

اے ایس آئی ابوبکر کا تعلق ضلع جھنگ سے تھا، وہ 1990ء میں کانسٹیبل بھرتی ہوا تھا۔

واضح رہے کہ ابوبکر کی ہلاکت کے بعد کالعدم تنظیم کے کارکنوں کے تشدد سے جاں بحق پولیس اہلکاروں کی تعداد 5 ہو گئی ہے۔

بشکریہ جنگ