میچ میں فتح، لال حویلی میں جشن
آئی سی سی ورلڈکپ میں روایتی حریف بھارت کے خلاف یادگار کامیابی پر لال حویلی میں بھی خوب جشن کا سماں رہا۔
وفاقی وزیر داخلہ شیخ رشید دبئی اسٹیڈیم میں براہِ راست میچ تو نہ دیکھ سکے لیکن جیت کی خوشی میں انہوں نے اپنی رہائش گاہ پر خوب آتش بازی کروائی۔
شیخ رشید نے آتش بازی کی ویڈیو شیئر کرتے ہوئے لکھا کہ ’راولپنڈی لال حویلی سے پاکستان نے بھارت کو عبرت ناک شکست پر پوری قومی کرکٹ ٹیم اور پاکستانی عوام کو جیت مبارک ہو۔‘
انہوں نے یہ بھی لکھا کہ آج پورا پاکستان زندہ باد سے گونج اٹھا ہے۔
خیال رہے کہ ٹی ٹوئنٹی ورلڈ کپ میں شاہین شاہ آفریدی کے تباہ کن بولنگ اسپیل کے بعد کپتان بابر اعظم اور وکٹ کیپر محمد رضوان کی ریکارڈ شراکت کے باعث پاکستان نے بھارت کو 10وکٹ کی عبرت ناک شکست سے دوچار کرکے تاریخ بدل دی۔
پاکستان نے بھارت کو پہلی بار ورلڈ کپ مقابلوں میں شکست دی، بولنگ کے بعد بیٹنگ لائن کی نا قابل یقین کارکردگی نے بھارتی غرور خاک میں ملا دیا اور ورلڈ کپ کا آغاز پر اعتماد انداز میں کیا۔
Comments are closed.