ہم پاکستان سے پولیو کے خاتمے کے قریب ہیں، کامران بنگش
وزیرِ اعلیٰ خیبر پختون خوا کے معاونِ خصوصی برائے اطلاعات و اعلیٰ تعلیم کامران خان بنگش کا کہنا ہے کہ ہم پاکستان سے پولیو کے خاتمے کے قریب ہیں۔
پشاور میں پولیو کے عالمی دن سے متعلق سول سیکریٹریٹ میں تقریب منعقد ہوئی جس سے خطاب کرتے ہوئے کامران بنگش نے کہا کہ 15 ماہ میں پولیو کا کوئی کیس سامنے نہیں آیا ہے۔
انہوں نے عوام سے اپیل کرتے ہوئے کہا کہ انسدادِ پولیو مہم کے خلاف پروپیگنڈے پر کان نہ دھریں۔
اس موقع پر صوبائی وزیرِ محنت شوکت یوسف زئی نے کہا ہے کہ انسدادِ پولیو مہم میں سب کو حکومت کا ساتھ دینا ہو گا، پولیو ٹیموں نے حملوں کے باوجود کام جاری رکھا۔
انہوں نے کہا کہ پولیو مہم میں پولیس کا بھی خاص کردار ہے، ہم بہت جلد پولیو فری ملک بننے جا رہے ہیں۔
بشکریہ جنگ
Comments are closed.