ضمنی انتخابات شفاف بنانے کیلئے انتظامات کیئے ہیں: عبدالرشید سلہریا

آزاد کشمیر کے چیف الیکشن کمشنر جسٹس ریٹائرڈ عبدالرشید سلہریا کا کہنا ہے کہ ضمنی انتخابات شفاف بنانے کے لیے فول پروف انتظامات کیئے ہیں۔

آزاد کشمیر کے 2 حلقوں ایل اے 12 کوٹلی اور ایل اے 3 میر پور پر ضمنی انتخاب کے لیے پولنگ جاری ہے، جو کسی وقفے کے بغیر شام 5 بجے تک جاری رہے گی۔

یہ بات انہوں نے چیف الیکشن کمشنر جسٹس ریٹائرڈ عبدالرشید سلہریا نے میرپور، آزاد کشمیر میں میڈیا سے گفتگو کے دوران کہی ہے۔

انہوں نے مزید کہا کہ آزاد کشمیر کے 2 حلقوں میں ضمنی انتخابات کے سلسلے میں پولنگ شام 5 بجے تک جاری رہے گی۔

ایل اے 12 چڑھوئی کے پولنگ اسٹیشن نمبر 134 پر پولنگ میں تاخیر ہوئی ہے۔

چیف الیکشن کمشنر آزاد کشمیر عبدالرشید سلہریا کا یہ بھی کہنا ہے کہ پولنگ اسٹیشن کے احاطے میں 5 بجے تک موجود افراد ہی ووٹ ڈال سکیں گے۔

بشکریہ جنگ