نواز و بیگم کلثوم کے نام پر جعلی ویکسین اندراج، قرار داد جمع

سابق وزیرِ اعظم میاں محمد نواز شریف اور ان کی اہلیہ بیگم کلثوم نواز (مرحومہ) کے نام پر کورونا وائرس کی ویکسین کے جعلی اندراج کے معاملے پر پنجاب اسمبلی میں قرار داد جمع کرائی گئی ہے۔

ذرائع محکمہ صحت کا کہنا ہے کہ مرحومہ بیگم کلثوم نواز کو دوسری ڈوز کے لئے 6نومبر کو بلایا گیا ہے،بیگم کلثوم نواز کے انتقال کو تین سال ہوچکے ہیں۔

پنجاب اسمبلی میں نواز شریف اور ان کی اہلیہ بیگم کلثوم نواز (مرحومہ) کے نام پر کورونا وائرس کی ویکسین کے جعلی اندراج کے معاملے پر قرار داد مسلم لیگ نون کی رکنِ پنجاب اسمبلی حنا پرویز بٹ نے جمع کرائی ہے۔

عمران سکندر کا کہنا ہے کہ سینٹرزکےمتعلقہ ویکسینیٹرزکی تفصیلات سائبرکرائم ونگ کوبھجوادی ہیں۔

پنجاب اسمبلی میں جمع کرائی گئی قرار داد میں مسلم لیگ نون کی جانب سے ویکسین کے جعلی اندراج کی تحقیقات کا مطالبہ کیا گیا ہے۔

بشکریہ جنگ