حکومت IMF مذاکرات کی تفصیل پارلیمنٹ میں لائی جائے: نفیسہ شاہ

پاکستان پیپلز پارٹی (پی پی پی) کی رہنما نفیسہ شاہ نے حکومت اور آئی ایم ایف کے درمیان ہونے والے مذاکرات کی تفصیلات پارلیمنٹ میں لانے کا مطالبہ کر دیا۔

جاری کیئے گئے ایک بیان میں پاکستان پیپلز پارٹی (پی پی پی) کی رہنما نفیسہ شاہ کا کہنا ہے کہ اطلاعات ہیں کہ آئی ایم ایف نے سیلز ٹیکس اور ریگولیٹری ڈیوٹی بڑھانے کی ڈکٹیشن دی ہے۔

پاکستان پیپلز پارٹی کی مرکزی سیکریٹری اطلاعات نفیسہ شاہ کا کہنا ہے کہ پاکستان ڈیمورکریٹک موومنٹ (ی ڈی ایم) کا پشاور کا جلسہ ضرور ہوگا ، کورونا وائرس کو بنیاد بنا کر ہمیں ڈرایا جا رہا ہے۔

انہوں نے کہا کہ آئی ایم ایف کی جانب سے حکومت کو سالانہ ٹیکس کا ہدف 63 کھرب کرنے کی بھی ڈکٹیشن دی گئی ہے۔

نفیسہ شاہ کا مزید کہنا ہے کہ پارلیمان اور سیاسی جماعتیں آئی ایم ایف کے ساتھ ہونے والے مذاکرات کی شرائط سے لاعلم ہیں۔

سیکریٹری اطلاعات پیپلز پارٹی پارلیمنٹیرینز نفیسہ شاہ کہتی ہیں کہ وزیراعظم عمران خان نے عملی طور پر دو پاکستان بنا دیئے ہیں، عمران خان کی ہزاروں گز ناجائز تعمیرات کو قانونی شکل دینا مذاق ہے۔

پاکستان پیپلز پارٹی (پی پی پی) کی رہنما نے یہ مطالبہ بھی کیا ہے کہ پارلیمنٹ کو آئی ایم ایف کے ساتھ مذاکرات کی شرائط سے متعلق اعتماد میں لیا جائے۔

بشکریہ جنگ