چینی کی قیمت 89 روپے 75 پیسے فی کلو پر برقرار

وفاقی شوگر اپیلیٹ کمیٹی نے چینی کی قیمت 89 روپے 75 پیسے فی کلو مقرر کرنے کا فیصلہ برقرار رکھا ہے۔

شوگر ملز کے مالکان اور ان کے وکلاء سے جامع مذاکرات کے بعد کنٹرول جنرل پرائسز، وفاقی سیکریٹری نیشنل فوڈ سیکیورٹی نے ایس آر او جاری کیا تھا۔

ملک کے 10 بڑے شہروں میں چینی کی قیمت 100 روپے فی کلو یا اس سے زائد ہوگئی ہے۔

شوگر ملز مالکان نے اس سرکاری قیمت کے خلاف 2 وفاقی سیکریٹریوں پر مبنی اپیلیٹ کمیٹی کے پاس اپیل دائر کی تھی۔

اپیل کی سماعت 4 اکتوبر 2021ء کو 3 گھنٹے تک ہوئی۔

گزشتہ روز اس کا آرڈر جاری کیا گیا جس میں 21 ستمبر 2021ء کے چینی کی قیمت صارفین کے لیے مقرر کرنے کے ایس آر او کو درست قرار دیا گیا۔

لاہور ہائیکورٹ نے چینی کی قیمت مقرر کرنےسے متعلق درخواستوں پر تحریری فیصلہ دے دیا۔

اس موقع پر ساری اپیلیں دائر کرنے والی 25 شوگر ملز اور پاکستان شوگر ملز ایسوسی ایشن کے چیئرمین کو فیصلہ بھجوا کر شوگر ملز کی تمام 25 پٹیشنز کو نمٹا دیا گیا۔

اپیلیٹ کمیٹی نے تمام شوگر ملز کو 7 اکتوبر کو 4 صفحات پر مشتمل اپنے فیصلے کی نقول جاری کر دیں۔

بشکریہ جنگ