سانحۂ ماڈل ٹاؤن: PAT کے وکیل کو دلائل دینے کی ہدایت

لاہور ہائی کورٹ نے سانحۂ ماڈل ٹاؤن پر دوسری جے آئی ٹی کی تشکیل کے خلاف درخواست کے قابلِ سماعت ہونے پر پاکستان عوامی تحریک کے وکیل علی ظفر کو 20 اکتوبر کو دلائل دینے کی ہدایت کر دی۔

سانحۂ ماڈل ٹاون کی انکوائری کے لیے دوسری جے آئی ٹی بنانے کے خلاف 2 پولیس اہلکاروں نے پٹیشن دائر کر رکھی ہے۔

لاہور ہائی کورٹ نے سانحۂ ماڈل ٹاؤن کی دوسری جے آئی ٹی کے خلاف درخواستوں پر سماعت کل تک کے لیے ملتوی کر دی۔

درخواست گزاروں نے ایک اور متفرق درخواست کے ذریعے عدالت میں سرکاری وکیل کے مختلف بیانات دینے پر وزیرِ اعلیٰ کے خلاف کارروائی کا بھی مطالبہ کیا ہے۔

سرکاری وکیل نے دلائل میں کہا ہے کہ سپریم کورٹ کا جے آئی ٹی بنانے سے متعلق حکم تھا جس پر حکومت نے عمل کیا۔

پاکستان عوامی تحریک کے وکیل نے کہا ہے کہ بسمہ نامی لڑکی سپریم کورٹ گئی تھی، جس کی والدہ اور پھوپھی اس سانحے میں شہید ہوئیں۔

لاہور (نمائندہ جنگ)لاہور ہائیکورٹ نے سانحہ ماڈل…

سپریم کورٹ نے بسمہ کی درخواست پر نوٹس لیا تھا۔

خواجہ طارق رحیم کے دلائل کے بعد عدالت نے علی ظفر کے دلائل کے لیے 20 اکتوبر کی تاریخ مقرر کر دی۔

بشکریہ جنگ