نون لیگ کا حکومت کیساتھ کرکٹ نہ کھیلنے کا اعلان

مسلم لیگ نون کی جانب سے حکومت کے ساتھ کرکٹ میچ نہ کھیلنے کا اعلان کیا گیا ہے۔

حکومت اوراپوزیشن کے کرکٹ میچ کے حوالے سے گورنر ہاؤس لاہور میں مشترکہ پریس کانفرنس کا انعقاد کیا گیا۔

جاری کیئے گئے بیان کے ذریعے پنجاب حکومت کے ترجمان فیاض چوہان نے مسلم لیگ نون کے اس فیصلے پر اپنے ردِ عمل کا اظہار کیا ہے۔

فیاض چوہان کا کہنا ہے کہ مسلم لیگ نون بھی سازش کا شکار ہو کر کھیلنے سے انکار نہ کرے۔

پنجاب حکومت اور اپوزیشن کے دوستانہ کرکٹ میچ کیلئے کھلاڑیوں کا اعلان کردیا گیا ہے۔

انہوں نے مزید کہاہے کہ مسلم لیگ نون نیوزی لینڈ اور برطانیہ کی ٹیم کی طرح سازش کا شکار نہ ہو۔

فیاض الحسن چوہان کا یہ بھی کہنا ہے کہ حکومتی بینچز کی جانب سے مثبت ردِعمل دیا گیا،جبکہ مسلم لیگ نون کا منفی رویہ سامنے آیا ہے۔

بشکریہ جنگ