اسلام آباد میں ڈینگی کے مریض کا انتقال

وفاقی دارالحکومت اسلام آباد میں مچھر کے کاٹنے سے پھیلنے والے مرض ڈینگی سے متاثرہ ایک اور مریض انتقال کر گیا۔

ضلعی انتظامیہ کے مطابق وفاقی دارالحکومت اسلام آباد میں گزشتہ 1 ہفتے کے دوران ڈینگی وائرس سے 2 افراد انتقال کر چکے ہیں۔

دارالحکومت میں گزشتہ 24 گھنٹوں کے دوران مزید 17 افراد میں ڈینگی وائرس کی تصدیق ہوئی ہے، جس کے بعد یہاں ڈینگی کے مریضوں کی مجموعی تعداد 94 ہو گئی۔

پنجاب کے دارلحکومت لاہور میں ڈینگی وائرس پھیلنے کے خدشے پر مبنی رپورٹ سامنے آگئی۔

دوسری جانب ملک کے دیگر شہروں پشاور، لاہور اور کراچی میں بھی ڈینگی کے کیسز بڑھنے لگے ہیں۔

بشکریہ جنگ