انگلش ٹیم کے پاکستان آنے سے انکار پر سری لنکن کرکٹرز کا اظہار افسوس

سری لنکن کرکٹرز نے انگلینڈ کے دورہ پاکستان سےانکار کو دنیائے کرکٹ کے لیے افسوسناک دن قرار دیا۔

سابق سری لنکن کرکٹر روشن ابے سنگھے اور دیموتھ کرونارتنے نے اس حوالے سے بیانات جاری کیے ہیں۔

پاکستانی ٹیم کے سابق فاسٹ بولر اظہر محمود نے کہا ہے کہ پاکستان کرکٹ بورڈ ( پی سی بی ) نے ملک میں انٹرنیشنل کرکٹ کی بحالی کےلیےکوئی کسر نہیں چھوڑی۔

روشن ابے سنگھے نے اپنے بیان میں کہا کہ انگلینڈ کی سیریز سے دستبرداری دنیائے کرکٹ کے لیے افسوس کا دن ہے۔

انہوں نے مزید کہا کہ کرکٹ ورلڈ کے لیے ہر قوم کو اپنا حصہ ڈالنا ہے، جس میں پاکستان بھی شامل ہے۔

برطانوی ہائی کمشنر کرسچین ٹرنر نے انگلش کرکٹ بورڈ (ای سی بی) کے پاکستان نہ آنے کے فیصلے پر افسوس کا اظہار کیا ہے۔

دیموتھ کرونارتنے نے اس حوالے سے کہا کہ انگلینڈکی سیریز سے معذرت پاکستان کرکٹ فینز کےلیے اداسی کی بات ہے۔

بشکریہ جنگ