ملک بھر میں کنٹونمنٹ بورڈز کے انتخابات آج ہوں گے

ملک بھر میں کنٹونمنٹ بورڈز کے انتخابات آج ہوں گے، پولنگ صبح 8 سے شام 5 بجے تک بغیر کسی وقفے کے ہوگی۔ اکتالیس کنٹونمنٹ بورڈز کے دو سو چھ وارڈز میں پندرہ سو ساٹھ امیدوار ہیں۔

انتخابات میں تحریک انصاف کے سب سے زيادہ 183، ن لیگ کے 144 اور پیپلز پارٹی کے 113 امیدوار میدان میں ہیں جبکہ 7 امیدوار بلامقابلہ منتخب ہوچکے ہیں۔

الیکشن کمیشن نے ضابطہ اخلاق جاری کردیا جس کے تحت میڈیا نمائندوں کو الیکشن کے دوران کیمروں کے ساتھ پولنگ اسٹیشنز پر جانے کے ساتھ ووٹنگ اور گنتی کے وقت ویڈیو بنانے کی بھی اجازت ہوگی۔ پولنگ کا وقت ختم ہونے کے ایک گھنٹے بعد میڈیا نتائج جاری کرسکے گا۔

بشکریہ جنگ