پاکستان، چین، روس طالبان سے معاہدے پر کام کر رہے ہیں: امریکی صدر

امریکا کے صدر جو بائیڈن کا کہنا ہے کہ پاکستان، ایران، چین اور روس متنازع معاملات پر افغان طالبان سے بات اور معاہدے کے لیے کام کر رہے ہیں۔

افغانستان طالبان کے ترجمان ذبیح اللّٰہ مجاہد کا کہنا ہے کہ ہمیں بین الاقوامی انسانی امداد کی ضرورت ہے۔

واشنگٹن میں میڈیا سے گفتگو کرتے ہوئے امریکا کے صدر جو بائیڈن نے یہ بات کہی ہے۔

انہوں نے مزید کہا ہے کہ پاکستان، ایران، چین اور روس اب بھی یہ سمجھنے کی کوشش کر رہے ہیں کہ طالبان کیا کر رہے ہیں۔

افغانستان پر کنٹرول سنبھالنے والے طالبان کا کہنا ہے کہ افغان دارالحکومت کابل میں سی آئی اے سینٹر اب طالبان کے قبضے میں ہے۔

 اس سے پہلے ترجمان محکمہ خارجہ نے طالبان کی عبوری حکومت کے اعلان پر تشویش کا اظہار کیا تھا اور کہا تھا کہ طالبان کو ان کی باتوں سے نہیں، ان کے اقدامات سے پرکھیں گے۔

بشکریہ جنگ