لاہور میں آپریشن کے بعد لڑکی لڑکا بن گئی

لاہور کے جنرل اسپتال میں کامیاب آپریشن کے بعد گجرات کی رہائشی لڑکی لڑکا بن گئی۔

جنرل اسپتال لاہور میں آپریشن کے بعد لڑکی، لڑکا بن گئی، پلاسٹک سرجری کی ٹیم نے گجرات کی عمارہ کے چار طویل آپریشن کیے۔ جس کے بعد وہ عمار بن گئی۔

گجرات کی رہائشی میٹرک کی طالبہ عمارہ کی دنیا ہی بدل گئی، جذبات، تاثرات، اسٹائل، دنیا کو دیکھنےکا انداز اور کھیلوں میں دلچسپی سمیت سب کچھ بدل گیا۔

شعبہ پلاسٹک سرجری جنرل اسپتال کی سربراہ ڈاکٹر رومانہ اخلاق کی سربراہی میں ٹیم نے عمارہ کا 4 گھنٹے طویل آپریشن کیا۔

ڈاکٹروں کا کہنا ہے کہ عمارہ کی آواز کے ساتھ ہارمونز میں بھی تبدیلی آرہی تھی۔

لڑکی کی والدہ کا کہنا ہے کہ عمارہ میں بچپن سے ہی لڑکوں والی عادات تھیں، اس کے بیٹا بننے پر بہت خوش ہیں۔

عمار کہتا ہے کہ وہ لڑکا بننے پر بے حد خوش ہے، اب وہ نئے دوست بھی بنائے گا اور ان کے ساتھ کرکٹ سمیت دیگر کھیل بھی کھیلے گا۔

بشکریہ جنگ