جہاں کورونا کا پھیلاؤ تیز ہے وہاں اسکول بند کیے، ڈاکٹر یاسمین راشد

وزیر صحت پنجاب ڈاکٹر یاسمین راشد نے کہا ہے کہ جن اضلاع میں کورونا وائرس کا پھیلاؤ تیز ہے وہاں اسکولوں کو بند کیا گیا ہے۔

جیونیوز کے پروگرام ’نیا پاکستان‘ میں گفتگو کے دوران یاسمین راشد نے کہا کہ اسپتالوں میں کورونا مریضوں کی تعداد میں اضافہ ہورہا ہے۔

انہوں نے کہا کہ کورونا مریضوں میں اضافے کے باعث اسپتالوں کی سہولتیں بھی بڑھارہے ہیں۔

وزیر صحت پنجاب نے مزید کہا کہ اسپتالوں میں جو کورونا مریض آرہے ہیں ان میں 85 فیصد غیر ویکسین شدہ ہیں۔

بشکریہ جنگ