امریکی فوج نے طالبان کے ساتھ تعاون کرنے کا عندیہ دے دیا

وشنگٹن: اعلیٰ امریکی فوجی عہدیدار نے کہا کہ امریکا کے طالبان کے ساتھ مل کر دہشت گرد عناصر کیخلاف جنگ کرنے کے امکانات موجود ہیں۔

واشنگٹن پوسٹ کے مطابق امریکا کے جوائنٹ چیف آف اسٹاف کے چیئرمین جنرل مارک اے ملی نے کہا کہ ممکن ہے امریکا طالبان کے ساتھ مل کر داعش کیخلاف آپریشنز کرے۔

تاہم انہوں نے افغانستان کے نئے حکمرانوں کے ساتھ تمام معاملات میں تعاون کرنے کے بارے میں کچھ بھی بتانے سے انکار کر دیا ہے۔

انہوں نے یہ بھی کہا ، “ہم نہیں جانتے کہ طالبان کا مستقبل کیا ہے لیکن میں آپ کو ذاتی تجربے سے بتا سکتا ہوں کہ یہ ماضی کا ایک بے رحم گروپ ہے اور ان میں تبدیلی آتی ہے یا نہیں یہ دیکھنا باقی ہے۔”

مارک اے ملی نے افغانستان میں گزشتہ سالوں کی امریکی کارکردگی کے حوالے سے صحافیوں کو بتایا کہ جنگ میں آپ کو وہ سب کچھ کرنا پڑتا ہیں جو آپ کو لگتا ہے کہ ٹھیک ہے۔