اسپینش فٹبال لیگ میں آج دو میچ کھیلے جائیں گے

اسپینش فٹبال لیگ میں آج مایورکا کا مقابلہ اسپانیول سے ہو گا جبکہ ویلینشیا اور الاویز کی ٹیمیں مدمقابل ہوں گی اور یہ دلچسپ مقابلے جیوسوپر براہ راست نشر کرے گا۔

اسپینش فٹبال لیگ میں دلچسپ اور سنسنی خیز مقابلے جاری ہیں، جس میں سیویا اور اٹیلیٹکو میڈرڈ ابھی ٹیبل پر چھ چھ پوائنٹس کے ساتھ سب سے اوپر ہیں، ایونٹ میں آج ویلینشیا کا مقابلہ الاویز سے ہوگا ویلینشیا نے دو میچز میں چار پوائنٹس حاصل کیے ہیں۔ جبکہ الاویز کوئی پوائنٹ نہ بنا سکی۔

میچ پاکستانی وقت کے مطابق رات ایک بجے شروع ہوگا اور پاکستان کا پہلا اسپورٹس چینل جیوسوپر براہ راست نشر کرے گا۔

ایونٹ میں مایورکا اور اسپانیول کے درمیان میچ رات گیارہ بجے کھیلا جائے گا، مایورکا کے چار اور اسپانیول کے دو پوائنٹس ہیں۔

بشکریہ جنگ