پی ایس ایکس 100 انڈیکس میں 226 پوائنٹس کی کمی

پاکستان اسٹاک ایکسچینج (پی ایس ایکس) میں کاروباری ہفتے کا آخری دن منفی رہا۔ 100 انڈیکس 226 پوائنٹس کم ہوکر 47 ہزار 136 پر بند ہوا۔

کاروباری دن میں 100 انڈیکس نے 521 پوائنٹس کے بینڈ میں کاروبار کیا۔ جبکہ انڈیکس کی کم ترین سطح 46 ہزار 871 رہی۔

انٹربینک تبادلہ میں کاروبار بندش پر ڈالر کی قدر 19 پیسے کم ہوکر 165 روپے 62 پیسے ہے۔

شیئر بازار میں آج 38 کروڑ شیئرز کے سودے ہوئے جن کی مالیت 13 ارب روپے سے زائد رہی۔

پی ایس ایکس کی مارکیٹ کیپٹلائزیشن آج 34 ارب روپے کم ہوکر 8 ہزار 250 ارب روپے ہوگئی ہے۔

بشکریہ جنگ