ن ليگ کے صدر شہباز شریف کراچی پہنچ گئے

قومی اسمبلی میں قائد حزب اختلاف اور پاکستان مسلم لیگ ن کے صدر شہباز شریف کراچی پہنچ گئے۔

ایئرپورٹ پر کارکنوں کی  بڑی تعداد موجود تھی، جہاں انہوں نے شہباز شریف کا استقبال کیا۔

شہباز شریف اپنے دورہ کراچی کے دوران سیاسی شخصیات سے ملاقاتیں اور پی ڈی ایم کے جلسے میں شرکت کریں گے۔

ذرائع کے مطابق مسلم لیگ ن کے صدر اور قومی اسمبلی میں قائدِ حزبِ اختلاف میاں شہباز شریف کراچی میں 28 اگست کو پی ڈی ایم کے سربراہی اجلاس میں شریک ہوں گے۔

ذرائع کا کہنا ہے کہ شہباز شریف 29 اگست کو کراچی میں ہونے والے اپوزیشن اتحاد پاکستان ڈیموکریٹک موومنٹ (پی ڈی ایم) کے جلسے میں پارٹی کی نمائندگی کریں گے۔

بشکریہ جنگ