سندھ میں ویمنز کرکٹرز کی تلاش

سندھ میں ویمنز کرکٹرز کی تلاش کیلئے سندھ ویمنز کپ لیگ 20ستمبر سے حیدر آباد میں شروع ہوگی، جس میں 6 ٹیمیں شرکت کریں گی، لیگ سے پہلے کراچی ، حیدر آباد اور سکھر میں مختلف کلبز اور اکیڈمیز کی ٹیموں کے درمیان ٹورنامنٹ کرائے جا رہے ہیں۔

سندھ کرکٹ ایسوسی ایشن کے تحت سندھ میں ویمنز کرکٹرز کی تلاش کیلئے لیگ کا انعقاد کیا جارہا ہے سندھ ویمنز کپ کے نام سے ہونے والی لیگ 20ستمبر سے حیدر آباد میں شروع ہوگی جس میں 13میچز کھیلے جائیں گے، اس لیگ میں 6 ٹیمیں شرکت کر رہی ہیں جن کیلئے تین ریجن میں ویمنز ٹورنامنٹ کرائے جارہے ہیں۔

کراچی میں جاری ٹورنامنٹ میں 6 ٹیمیں شرکت کررہی ہیں جس کا فائنل کل نیشنل اسٹیدیم میں کھیلا جائے گا ۔

اس طرح حیدر آباد میں 4 ٹیموں پر مشتمل ٹورنامنٹ دو ستمبر سے شروع ہوگا ، جبکہ 6ستمبر سے سکھر میں شروع ہونے والے ٹورنامنٹ میں 3 ٹیمیں شرکت کررہی ہیں ، ان ٹورنامنٹ کی فائنلسٹ ٹیمیں سندھ ویمنز کپ لیگ میں شرکت کریں گی۔

بشکریہ جنگ