کراچی: ایزی پیسہ کے ذریعے بھتہ لینے والا ملزم گرفتار

کراچی کے علاقے لیاقت آباد سے پولیس اور رینجرز نے ایک بھتہ خور کو گرفتار کر لیا۔

پولیس حکام کا کہنا ہے کہ گرفتار بھتہ خور ایزی پیسہ کے ذریعے بھتے کی رقم وصول کرتا تھا۔

پولیس حکام کے مطابق گرفتار بھتہ خور ایاز عرف اسد سپر مارکیٹ اور نیپیئر کے تاجروں سے بھتہ طلب کرتا تھا۔

پولیس حکام کا مزید کہنا ہے کہ ملزم ایاز کے قبضے سے دستی بم اور پستول برآمد ہوا ہے۔

پولیس حکام نے یہ بھی بتایا ہے کہ ملزم کے خلاف دہشت گردی اور بھتہ خوری کے 10 مقدمات درج ہیں۔

بشکریہ جنگ