کراچی: لیاری کے شاپنگ مال میں آتشزدگی

کراچی میں لیاری کے علاقے موسیٰ لین کے شاپنگ مال میں لگی آگ پر کئی گھنٹوں بعد قابو پالیا گیا۔ شاپنگ مال کے اوپر رہائشی فلیٹس کے مکینوں نے دوسری چھت پر پہنچ کر جان بچائی۔

فائر آفیسر نے کہا ہے کہ فائر بریگیڈ کی چار گاڑیوں کی مدد سے آگ پر قابو پایا گیا، عمارت کے باہر رکھے سامان کی وجہ سے آگ پر قابو پانے میں دیر لگی، آگ لگنے کی وجہ معلوم نہیں ہو سکی۔

انہوں نے بتایا کہ بلڈنگ میں آگ بجھانے کے آلات نہیں تھے جبکہ شہر کی بیشتر عمارتوں میں فائر سیفٹی آلات نہیں ہیں۔ 

بشکریہ جنگ