وزیر خارجہ کا افغان شہریوں کے حقوق کا تحفظ یقینی بنانے پر زور

وزیر خارجہ شاہ محمود قریشی نے افغانستان میں طالبان کے کنٹرول سنبھالنے کے بعد وہاں شہریوں کی سیکیورٹی اور حقوق کے تحفظ کو یقینی بنانے کی ضرورت پر زور دیا ہے۔ 

وزیر خارجہ شاہ محمود قریشی اور ترک وزیر خارجہ میں ٹیلیفونک رابطہ ہوا جس میں دوطرفہ تعلقات اور افغانستان کی موجودہ صورتحال سمیت باہمی دلچسپی کے امور پر تبادلہ خیال کیا گیا۔ 

اس موقع پر وزیر خارجہ شاہ محمود قریشی کا کہنا تھا کہ پرامن اور مستحکم افغانستان پاکستان سمیت پورے خطے کے لیے خصوصی اہمیت کا حامل ہے۔

شاہ محمود قریشی نے کہا کہ ضرورت ہے کہ افغان باشندوں کی سیکیورٹی اور ان کے حقوق کا تحفظ یقینی بنایا جائے۔

وزیر خارجہ کا کہنا تھا کہ پاکستان، افغانستان میں ایک جامع سیاسی تصفیے کا حامی ہے، توقع ہے کہ کابل میں جاری مذاکرات، ایک اجتماعیت کی حامل حکومت کی راہ ہموار کریں گے۔

بشکریہ جنگ