امریکی صدر جو بائیڈن کا کہنا ہے کہ افغانستان سے انخلاء تاریخ کا مشکل ترین فیصلہ تھا، کابل ایئرپورٹ سے ہنگامی انخلاء کے حتمی نتیجے کے بارے میں کچھ نہیں کہہ سکتا۔
وائٹ ہاؤس سے ٹیلی وژن خطاب کرتے ہوئے صدر جو بائیڈن نے کہا کہ دوحہ اور افغانستان میں موجود طالبان رہنماؤں سے رابطے میں ہیں، افغانستان میں دہشت گرد گروہوں کو پنپنے نہ دینے کی صلاحیت ہے۔
جو بائیڈن نے کہا کہ افغانستان سے تمام امریکی شہریوں اور امریکا کی مدد کرنے والے افغان شہریوں کو نکالنے کا عزم ہے۔
صدر جو بائیڈن نے کہا کہ کابل سے انخلاء مشکل ترین ایئرلفٹ آپریشن تھا، امریکی فورسز نے 14 اگست سے اب تک 13 ہزار لوگوں کا افغانستان سے انخلاء کروایا۔
امریکی صدر نے کہا کہ ہمارا مقصد افغانستان سے القاعدہ کا خاتمہ تھا، یہ مقصد حاصل ہوچکا، افغانستان میں ٹھہرے رہنے کی ضرورت نہیں۔
جو بائیڈن نے کہا کہ نیٹو سمیت تمام اتحادیوں کے ساتھ رابطے میں ہیں، افغانستان کی صورت حال سے امریکا کی ساکھ متاثر نہیں ہوئی۔
انہوں نے کہا کہ امریکی حکومت کے تعاون سے ہزاروں دیگر افراد نجی چارٹر طیاروں سے انخلاء کرچکےہیں۔
Comments are closed.