طالبان ایک آدھ صوبہ چھوڑکر تمام صوبے ٹیک اوور کرچکے ہیں، سفیر پاکستان

کابل میں پاکستان کے سفیر منصور احمد خان کا کہنا ہے کہ طالبان ایک آدھ صوبہ چھوڑ کر تمام صوبوں کا کنٹرول حاصل کرچکے ہیں۔

جیو نیوز سے گفتگو میں منصور احمد خان نے کہا کہ نئی افغان حکومت کے قیام کے لیے کوششیں جاری ہیں، سیکیورٹی انتظامات طالبان نے سنبھال لیے ہیں۔

طالبان حکام کا کہنا ہے کہ خوست میں شہری آئندہ احکامات تک گھروں میں رہیں۔

سفیر پاکستان نے کہا کہ اس وقت افغانستان میں باضابطہ پولیٹیکل اور آئینی فریم ورک کے تحت کوئی حکومت نہیں ہے۔

انہوں نے کہا کہ یہاں کے زمینی حقائق کے مطابق حکومت تشکلیل دینا ہوگی۔

بشکریہ جنگ