مواچھ گوٹھ دھماکے کی تحقیقات میں پیشرفت

کراچی کے علاقے مواچھ گوٹھ میں گزشتہ روز ہوئے دھماکے میں جاں بحق 13 افراد کی نماز جنازہ ادا کردی گئی۔

دوسری جانب مواچھ گوٹھ دھماکے کی تحقیقات میں پیشرفت سامنے آئی ہے۔

ذرائع کے مطابق 3 موٹر سائیکل سوار دہشت گرد مبینہ طور پر دھماکے میں ملوث ہیں۔

ذرائع کا کہنا ہے کہ تین موٹر سائیکل سوار دہشت گردوں نے مبینہ طور پر منی ٹرک کا تعاقب کیا اور دستی بم پھینکا۔

تحقیقاتی ذرائع نے بتایا کہ دستی بم منی ٹرک پر گرنے سے پہلے ہوا میں ہی پھٹ گیا۔

بشکریہ جنگ