سینٹرل جیل لاڑکانہ: قیدیوں کی بیرکوں میں منتقلی کا آپریشن ملتوی

لاڑکانہ کی سینٹرل جیل میں قیدیوں کی ہنگامہ آرائی کے باعث قیدیوں کو بیرکوں میں منتقل کرنے کا آپریشن ملتوی کردیا گیا۔

جیل ذرائع کا کہنا ہے کہ ایک ہزار سے زائد قیدی بیرکوں کے باہر وسیع میدان میں موجود ہیں، قیدی ایک دوسرےکو نقصان پہنچا سکتے ہیں، اس لیے آپریشن ملتوی کیا گیا۔

ذرائع کا کہنا ہے کہ بیشتر قیدیوں کے پاس ڈنڈے اور آہنی راڈ موجود ہیں۔

جیل ذرائع کا کہنا ہے کہ قیدیوں کو کھانا، پانی اور بجلی بدستور فراہم کی جارہی ہے۔

جیل ذرائع کا کہنا ہے کہ قیدیوں کی بیرکوں میں منتقلی کےلئے لائحہ عمل ترتیب دیا جارہا ہے۔

 سینٹرل جیل کے قیدیوں نے مراعات کے لیے آج صبح ہنگامہ آرائی کی تھی۔

بشکریہ جنگ