اسد کھوکھر آج وزارت کا حلف اٹھائیں گے

پاکستان تحریک انصاف کے نامزد صوبائی وزیر اسد کھوکھر آج گورنر ہاؤس پنجاب میں وزارت کا حلف اٹھائیں گے۔

گورنر پنجاب چوہدری محمد سرور صوبائی وزیر اسد کھوکھر سے حلف لیں گے، تقریب آج دوپہر گورنر ہاؤس میں منعقد ہوگی۔

پنجاب کے نامزد صوبائی وزیر اسد کھوکھر کے بھائی کے قتل میں ملوث گرفتار ملزم ناظم نے انکشاف کیا کہ وزیر اعلیٰ پنجاب عثمان بزدار تقریب سے نکلے تو اس کے بعد اس نے مبشر کھوکھر کو باہر جا کر قتل کیا۔

ذرائع کے مطابق تقریب میں وزیر اعلیٰ پنجاب اور صوبائی وزراء بھی شرکت کریں گے۔

واضح رہے کہ اسد کھوکھر کی حلف برداری کی تقریب پہلے ان کے بھائی کے قتل کے باعث موخر کر دی گئی تھی۔

بشکریہ جنگ