آزادکشمیر، نئے صدر کا انتخاب 17 اگست کو ہوگا

آزاد جموں وکشمیر کے نئے صدر کا انتخاب 17 اگست کو ہو گا۔

ذرائع آزاد جموں و کشمیر الیکشن کمیشن کے مطابق آزاد جموں وکشمیر کے نئے صدر کے انتخاب کے لیے کاغذات نامزدگی 12 اگست تک جمع کرائے جا سکیں گے۔

نو منتخب اسپیکر چوہدری انوار الحق کی صدارت میں آزاد کشمیر قانون ساز اسمبلی کا اجلاس ہوا جس میں وزیرِ اعظم آزاد کشمیر کے انتخاب کا مرحلہ مکمل ہوا اور ان کے نام کا اعلان کیا گیا۔

ذرائع الیکشن کمیشن کا کہنا ہے کہ نومنتخب صدر ریاست سے 24 اگست کو چیف جسٹس آف آزاد کشمیر سے حلف لیں گے۔

واضح رہے کہ آزاد جموں کشمیر قانون ساز اسمبلی کا اجلاس اسپیکر اسمبلی شاہ غلام قادر کی صدارت میں 4 اگست کو ہوا تھا جس میں نو منتخب اراکین نے حلف اٹھایا تھا۔

بشکریہ جنگ