اسلام آباد: کورونا کیسز میں اضافہ، 2 اداروں کی بندش کیلئے خط

وفاقی دارالحکومت اسلام آباد کے 2 اداروں میں کورونا وائرس کے کیسز میں اضافے کے باعث ڈسٹرکٹ ہیلتھ آفیسر اسلام آباد نے ادارے بند کرنے کے لیے اسلام آباد کی انتظامیہ کو خط لکھ دیا۔

خط میں لکھا گیا ہے کہ پاکستان میڈیکل کمیشن اور پولی ٹیکنیکل انسٹی ٹیوٹ فار ویمن میں کورونا کے 17 کیسز رپورٹ ہوئے ہیں۔

کراچی میں گزشتہ 24 گھنٹوں کے دوران کورونا وائرس کے مثبت کیسز کی شرح 20 اعشاریہ 59 فیصد ریکارڈ ہوئی ہے۔

خط میں کہا گیا ہے کہ پاکستان میڈیکل کمیشن اسلام آباد میں کورونا کے 7 کیس رپورٹ ہوئے ہیں جبکہ گورنمنٹ پولی ٹیکنیکل انسٹیٹیوٹ فار ویمن ایچ ایٹ ون میں 10 کیس رپورٹ ہوئے ہیں۔

خط میں درخواست کی گئی ہے کہ پاکستان میڈیکل کمیشن اور پولی ٹیکنیکل انسٹی ٹیوٹ فار ویمن کو تا حکمِ ثانی بند کیا جائے، دونوں اداروں میں جراثیم کش ادویات کا اسپرے کیا جائے۔

ملک کے سب سے بڑے شہر کراچی کے ایک اور ڈاکٹر کی کورونا وائرس نے جان لے لی، سول اسپتال کراچی کے ایم ایل او ڈاکٹر ناصر علی شاہ کورونا وائرس کا شکار ہونے کے باعث انتقال کر گئے۔

ڈسٹرکٹ ہیلتھ آفیسر اسلام آباد نے اپنے خط میں مزید کہا ہے کہ کالج اسٹاف اور طالب علموں کے ٹیسٹ لازمی کروائے جائیں۔

خط میں ڈسٹرکٹ ہیلتھ آفیسر اسلام آباد نے یہ بھی لکھا ہے کہ کورونا کے شکار افراد کے قریب رہنے والے فوری طور پر 14 دن کے لیے قرنطینہ کریں۔

بشکریہ جنگ