چیف جسٹس آف پاکستان کے خلاف نازیبا زبان کے استعمال کے معاملے میں ایف آئی اے سائبر سرکل نے تحقیقات کے سلسلے میں پیپلز پارٹی کے 8 اراکینِ اسمبلی سمیت 15 رہنماؤں کو طلب کر لیا جس کا نوٹس بھی جاری کر دیا گیا ہے۔
ایف آئی اے حکام کے مطابق صوبائی وزیرِ اطلاعات ناصرحسین شاہ اور صوبائی وزیرِ تعلیم سعید غنی کو ایف آئی اے سائبر کرائم سرکل طلب کر لیا گیا ہے۔
اراکینِ اسمبلی شہلا رضا، ناز بلوچ، نفیسہ شاہ، شاہدہ رحمانی، قادر خان مندوخیل اور قادر پٹیل کو بھی ایف آئی اے سائبر کرائم سرکل طلب کیا گیا ہے۔
ایف آئی اے حکام کا مزید کہنا ہے کہ تمام رہنماؤں کو 12 اور 13 اگست کو طلب کیا گیا ہے، ملزم کے موبائل فون سے ان افراد سے رابطے کا ریکارڈ ملا ہے۔
وفاقی تحقیقاتی ادارے (ایف آئی اے) کے حکام کا یہ بھی کہنا ہے کہ دیگر 7 عہدے داروں کو بھی ایف آئی اے میں طلب کیا گیا ہے۔
Comments are closed.