حکومتی پابندی ہوا ہوگئی، کوئٹہ میں عید میلے سج گئے

ملک بھر میں عیدالاضحیٰ پر کورونا ضوابط (ایس او پیز) کی خلاف ورزیاں ہوتی رہیں۔

کہیں کہیں احتیاطی تدابیر پر عمل ہوا تو کہیں ایس او پیز بالکل نظر انداز کردیے گئے۔

کوئٹہ کے مختلف علاقوں میں عید میلے سج گئے، صوبائی حکومت کی پابندی ہوا ہوگئی۔

عیدالاضحیٰ پر جہاں بڑے قربانی میں مصروف رہے وہیں بچوں کو کھیل کود کیلئے کھلی چھٹی مل گئی۔

ملتانی محلہ، پٹیل باغ اور طوغی روڈ پر جھولوں، اونٹ اور گھوڑے کی سواری کے لیے بچوں کا رش رہا جبکہ کھانے پینے کے اسٹال بھی موجود ہیں۔

واضح رہے کہ بلوچستان حکومت نے عید الاضحی پر کورونا وائرس کے پیش نظر ہر طرح کے میلوں پر پابندی لگارکھی ہے۔

بشکریہ جنگ