آئرلینڈ پہلی مرتبہ جنوبی افریقہ کے خلاف ون ڈے میں کامیاب
آئرلینڈ نے جنوبی افریقہ کو دوسرے ایک روزہ میچ میں 43 رنز سے شکست دے دی۔ یہ آئرلینڈ کی جنوبی افریقہ کے خلاف ون ڈے کرکٹ میں پہلی جیت ہے۔
ڈبلن کے میلاہائیڈے میں کھیلے گئے اس میچ میں آئرلینڈ نے پہلے بیٹنگ کرتے ہوئے 290 رنز بنائے۔
کپتان اینڈی بلبیرنی نے شانداری سنچری بناتے ہوئے 102 رنز کی اننگز کھیلی جبکہ دیگر کھلاڑیوں میں ہیری ٹیکٹر 79 اور جارج ڈاک ریل 45 رنز بنا کر نمایاں رہے۔
جنوبی افریقہ کی جانب سے اینڈی فیلوکوائیو 2 وکٹیں لے کر کامیاب بولر رہے جبکہ گگیسو رباڈا، کیشو مہاراج اور تبریز شمسی کے حصے میں ایک ایک وکٹ آئی۔
ہدف کے تعاقب میں جنوبی افریقی ٹیم 247 رنز بنا کر آل آؤٹ ہوگئی۔
جنوبی افریقہ کی جانب سے یانیمن ملان نے 84 رنز کی عمدہ اننگز کھیلی جبکہ روسی ویندر ڈوسن 49 رنز بنا کر نمایاں رہے۔
مہمان ٹیم کی جانب سے دیگر کوئی کھلاڑی خاطر خواہ کارکردگی پیش نہیں کرسکا۔
آئرلینڈ کی جانب سے مارک اڈائیر، جوش لٹل، اینڈی میک برائن کے حصے میں دو دو وکٹیں آئیں جبکہ کریگ ینگ، جارج ڈاک ریل اور اینڈی میک برائن ایک ایک وکٹ لے سکے۔
آئرلینڈ کو سیریز میں 0-1 کی برتری حاصل ہوگئی جبکہ سیریز کا ایک میچ باقی ہے۔
Comments are closed.