نگراں وزیر خارجہ جلیل عباس جیلانی سے گورنر قندھار کی ملاقات

گورنر قندھار، افغانستان کے ملٹری انٹیلی جنس اور حکمت عملی کے نائب سربراہ حاجی ملا شیرین اخوند نے نگراں وزیر خارجہ جلیل عباس جیلانی سے ملاقات کی ہے۔

نگراں وزیر خارجہ جلیل عباس جیلانی  کا کہنا ہے کہ گورنر ملا شیرین سے تعمیری ملاقات ہوئی، ملاقات میں دو طرفہ مسلسل رابطوں کےلیے پاکستان کے عزم کا اعادہ کیا۔

نگراں وزیر خارجہ نے تجارت اور رابطوں کی مکمل صلاحیت کے استعمال کےلیے تمام مسائل کے حل کی ضرورت پر زور دیا۔

 افغان وفد نے 4 دہائیوں سے لاکھوں افغانوں کی فراخدلانہ مدد پر پاکستان کی تعریف کی۔

بشکریہ جنگ