عالمی نمبر 1 نوواک جوکووچ کوارٹر فائنل میں شکست سے دوچار

آسٹریلوی شہر پرتھ میں کھیلے جارہے ٹینس کے یونائیٹڈ کپ کے کوارٹر فائنل میں عالمی نمبر 1 نوواک جوکووچ شکست سے دوچار ہوگئے۔

سربیا سے تعلق رکھنے والے نوواک جوکووچ کو آسٹریلیا کے ایلکس ڈی مینور نے اسٹریٹ سیٹس میں ہرا دیا۔

میچ کا اسکور 6-4 اور 6-4 رہا، یہ جوکووچ کی آسٹریلیا میں 2018ء کے بعد پہلی شکست ہے۔

14 جنوری سے شروع ہونے والے آسٹریلین اوپن میں نوواک جوکووچ اپنے اعزاز کا دفاع کریں گے۔

بشکریہ جنگ