ملازمین کی خدمات کیلئے الیکشن کمیشن کا مراسلہ، پی آئی اے مدد کیلئے تیار

ملازمین کی خدمات حاصل کرنے کےلیے الیکشن کمیشن آف پاکستان (ای سی پی) نے پاکستان انٹرنیشنل ایئرلائن (پی آئی اے) کو مراسلہ لکھ دیا۔ 

اس حوالے سے ترجمان پی آئی اے کا کہنا ہے کہ ای سی پی کا مراسلہ موصول ہوا ہے۔ قومی ایئر لائن الیکشن ڈیوٹی کے لیے الیکشن کمیشن کی مدد کرے گا۔ 

پی آئی اے کے ترجمان کے مطابق پی آئی اے کے مختلف شعبہ جات کے ملازمین کو انتطامیہ کی طرف سے ای میلز موصول ہوئی ہیں۔ 

الیکشن ڈیوٹی کےلیے الیکشن کمیشن کے فارمز پر ڈیٹا بھر کر ایچ آر کو دینے کی ہدایت کردی گئی ہے۔

بشکریہ جنگ