کسٹمز نے ٹیکس اہداف سے متعلق نیا ہدایت نامہ جاری کردیا

محکمہ کسٹمز نے ٹیکس اہداف مکمل کرنے کےلیے نیا ہدایت نامہ جاری کردیا ہے۔

کسٹمز اعلامیے کے مطابق ٹیکس اہداف اور ریکوری 31 دسمبر کی رات 10 بجے تک جاری کی جائے گی۔

اعلامیے کے مطابق کسٹمز افسران نئی ہدایات پر عمل درآمد کو یقینی بنائیں، ایئرپورٹ کارگو ٹرمینل پر متعلقہ بینک برانچ اتوار رات10بجے تک کھلی رہے گی۔

کسٹمز اعلامیے کے مطابق سامان کی ترسیل اور ڈیوٹی اتوار کی رات 10بجے تک وصول کی جائے گی۔

اعلامیے کے مطابق جناح انٹرنیشنل ایئرپورٹ ایئر فریٹ یونٹ اور کارگو ٹرمینل میں تمام افسران کو ہدایات جاری کردی گئیں۔

بشکریہ جنگ