کندھ کوٹ کے گاؤں میں بم دھماکا، 2 افراد جاں بحق، 2 زخمی

سندھ کے علاقے کندھ کوٹ کے گاؤں علی محمد بھیو میں ہونے والے بم دھماکے میں 2 افراد جاں بحق اور 2 بچے زخمی ہوگئے۔

پولیس حکام کے مطابق کندھ کوٹ کے گاؤں میں زمین میں نصب بم کا دھماکا ہوا، جس میں 2 افراد جاں بحق اور 2 زخمی ہوئے ہیں۔ زخمیوں کو اسپتال منتقل کردیا گیا ہے۔

پولیس حکام کے مطابق متاثرہ افراد مویشی چرا رہے تھے کہ اچانک دھماکا ہوگیا۔

پولیس حکام کے مطابق دھماکے میں استعمال ہونے والا بارودی مواد کی نوعیت جاننے کےلیے مزید تحقیقات جاری ہیں۔

بشکریہ جنگ