نواز شریف نے ملک واپس آنے میں بہت دیر کردی، مراد علی شاہ

سابق وزیراعلیٰ سندھ اور پیپلز پارٹی کے سینئر رہنما سید مراد علی شاہ نے کہا ہے کہ نواز شریف نے ملک واپس آنے میں بہت دیر کردی۔

سیہون میں میڈیا سے گفتگو میں سید مراد علی شاہ نے کہا کہ عوام جانتے ہیں کون مشکل وقت میں ساتھ رہا اور کون ملک چھوڑ کر بھاگا۔

پیپلز پارٹی سندھ کے سینئر رہنما منظور وسان نے کہا ہے کہ بانی تحریک انصاف کی طرح نواز شریف کو لانے کی کوشش کی جارہی تھی۔

انہوں نے مزید کہا کہ پیپلز پارٹی کے خلاف ماضی میں کئی اتحاد بنے اور ناکام ثابت ہوئے۔

پی پی رہنما نے یہ بھی کہا کہ اس مرتبہ سندھ میں ناتجربہ کار اتحاد بنانے کی کوشش کی گئی ہے۔

اُن کا کہنا تھا کہ بشیر میمن پولیس والا ہے، جس کا سیاست کا اتنا تجربہ نہیں، 8 فروری پیپلز پارٹی کی فتح کا دن ہوگا۔

بشکریہ جنگ