سیکریٹری دفاع کیخلاف توہینِ عدالت کی درخواست اعتراضات لگا کر واپس

سپریم کورٹ آف پاکستان نے سیکریٹری دفاع کے خلاف توہینِ عدالت کی درخواست اعتراضات لگا کر واپس کر دی۔

عدالتِ عظمیٰ کی جانب سے اعتراض عائد کیا گیا ہے کہ فوجی عدالتوں میں سویلینز کا ٹرائل کالعدم قرار دینے کا فیصلہ معطل ہو چکا ہے۔

سپریم کورٹ نے اعتراض عائد کیا ہے کہ اب سیکریٹری دفاع کے خلاف توہینِ عدالت کی درخواست قابلِ سماعت نہیں۔

یہ اعتراض بھی لگایا گیا ہے کہ مقدمات ملٹری کورٹس سے فوجداری عدالتوں میں نہ بھیجنے پر توہینِ عدالت کی درخواست دی گئی۔

سپریم کورٹ میں توہینِ عدالت کی درخواست سول سوسائٹی کی جانب سے دائر کی گئی تھی۔

بشکریہ جنگ