پنجاب کے میدانی علاقے آج بھی شدید دھند کی لپیٹ میں

لاہور اور ملتان سمیت پنجاب کے میدانی علاقے آج بھی شدید دھند کی لپیٹ میں ہیں۔

دھند کی وجہ سے موٹرویز سمیت بڑی شاہراہیں ٹریفک کے لیے بند کردی گئی ہیں جس کے باعث ٹریفک متاثر ہوئی ہے۔

موٹروے ایم 2 لاہور سے خانقاہ ڈوگرہ اور شیخوپورہ تک بند کردی گئی جبکہ موٹروے ایم 3 فیض پور سے رجانہ تک بند کی گئی ہے۔

ایم 4 عبدالحکیم سے پنڈی بھٹیاں تک اور ایم فائیو ملتان سے ظاہر پیر تک بند کی گئی ہے۔

دوسری جانب پاکپتن میں دھند کے باعث کار پل سے نیچے گرگئی، حادثے میں کار سوار جاں بحق ہوگیا۔

بشکریہ جنگ