غزہ میں اسرائیلی بمباری، 24 گھنٹوں میں شہید فلسطینیوں کی تعداد 166 ہوگئی

اسرائیل کی وحشیانہ بمباری سے گزشتہ 24 گھنٹوں میں غزہ میں مزید 166 فلسطینی شہید ہوگئے۔ 

اس حوالے سے غزہ سے فلسطینی وزارت صحت نے بتایا ہے کہ غزہ میں فلسطینی شہدا کی مجموعی تعداد اب 20 ہزار 424 ہوگئی ہے۔

 فلسطینی وزارت صحت نے مزید بتایا کہ اسرائیلی بمباری سے 54 ہزار 36 فلسطینی زخمی ہوئے ہیں۔ 

فلسطینی وزارت صحت کے مطابق اس کے علاوہ ہزاروں افراد لاپتہ ہیں جبکہ لوگوں کی ایک بڑی تعداد ملبے تلے دبی ہوئی ہے جنکے بارے میں یہ معلوم نہیں کہ وہ زندہ ہیں یا نہیں۔

بشکریہ جنگ