حماس کے حملوں میں 7 اسرائیلی فوجی ہلاک

حماس کے جنگجوؤں کے اسرائیلی فوج کے ٹینکوں اور فوجی گاڑیوں پر پے درپے حملے جاری ہیں جس میں 7 فوجی افسران ہلاک، کئی ٹینک اور گاڑیاں تباہ ہوگئیں۔

اسرائیلی فوج کے ہاتھوں فلسطینیوں کے تباہ مکانات جنگجوؤں کی محفوظ پناہ گاہیں بن گئیں، اسرائیلی فوج کے کمانڈر کی ہمر جیپ کو اینٹی آرمر میزائل سے اڑادیا گیا۔

اسرائیلی وزیر دفاع نے کہا کہ مقاصد کے حصول تک اسرائیل جنگ جاری رکھے گا۔ اسرائیل کی فتح امریکی قیادت میں آزاد دنیا کی فتح ہے۔

یمن کے حوثیوں نے بھی بحیرہ احمر میں دو جہازوں پر حملے کئے جبکہ حماس نے یرغمال تین بوڑھے اسرائیلیوں کی بھی ویڈیو جاری کردی، تینوں اسرائیلیوں نے نیتن یاہو حکومت سے انہیں بچانے کی اپیل کی۔

دوسری جانب اسرائیلی فوج کی نہتے فلسطینیوں پر وحشیانہ بمباری جاری ہے جس میں ڈیڑھ سو سے زائد فلسطینی شہید ہوئے۔

7 اکتوبر سے جاری حملوں میں شہداء کی تعداد ساڑھے 19 ہزار تک جا پہنچی ہے۔ 

اسرائیلی فوج نے جنوبی لبنان میں حزب اللّٰہ جنگجو کے جنازے کے قریب بھی ڈرون حملہ کیا۔

بشکریہ جنگ