آسٹریلیا: خاتون نے 10 ہزار ڈونٹس سے بھری وین چوری کرلی

آسٹریلیا میں ایک خاتون نے 10 ہزار کرسپی کریم ڈونٹس سے بھری ایک ڈیلیوری وین چوری کرلی۔

بین الاقوامی میڈیا کی رپورٹ کے مطابق  10 ہزار ڈونٹس سے بھری ڈیلیوری وین چوری کرنے والی خاتون کو پولیس نے گرفتار کرلیا ہے۔

اس حوالے سے آسٹریلوی پولیس نے بتایا کہ سڈنی کے مضافات میں ڈلیوری والی ایک وین پیٹرول پمپ پر رکی تو موقع ملتے ہی 28 سالہ خاتون اس کے اندر داخل ہوئی اور وین لے کر فرار ہوگئی۔

رپورٹ کے مطابق سی سی ٹی وی فوٹیج کی مدد سے ایک ہفتے بعد وین تو ایک پارک سے مل گئی لیکن وین میں موجود ہزاروں ڈونٹس خراب ہوچکے تھے۔

رپورٹ میں بتایا گیا ہے کہ خاتون کی ضمانت مسترد کر دی گئی ہے اور اسے گاڑی چوری اور بغیر لائسنس ڈرائیونگ کرنے کے الزامات کا سامنا ہے۔

بشکریہ جنگ