انڈر 19 ایشیا کپ فائنل کل، بنگلہ دیش اور یو اے ای مدمقابل

انڈر 19 ایشیا کپ کا فائنل کل متحدہ عرب امارات (یو اے ای) اور بنگلہ دیش کی ٹیموں کے درمیان کھیلا جائے گا۔

سیمی فائنل میں یو اے ای نے پاکستان اور بنگلہ دیش نے بھارت کو شکست دے کر فیصلہ کن معرکے کے لیے کوالیفائی کیا، جو ٹیم بھی جیتے گی پہلی بار ٹرافی اُٹھائے گی۔

بنگلہ دیش اور یو اے ای کے درمیان انڈر 19 ایشیا کپ کا فائنل دبئی کے نیشنل کرکٹ اسٹیڈیم میں کھیلا جائے گا۔

دونوں ٹیموں کے کپتانوں نے آج دبئی میں فائنل سے قبل ایونٹ کی ٹرافی کے ساتھ تصاویر بنوائی اور ہاتھ بھی ملایا۔

یو اے ای انڈر 19 ٹیم پہلی مرتبہ ایشیا کپ کا فائنل کھیلے گی جبکہ بنگلہ دیش انڈر 19 ٹیم نے دوسری مرتبہ فائنل کے لیے کوالیفائی کیا ہے۔

سیمی فائنل میں یو اے ای نے پاکستان کو 11 رنز سے ہرا کر فائنل میں جگہ بنائی ہے جبکہ بنگلادیش نے بھارت کو 4 وکٹ سے شکست دے کر فیصلہ کن معرکے کے لیے کوالیفائی کیا۔

بشکریہ جنگ